Акафист исповедника веры - молитва о врагах

Озарением Вышняго просвящен преподобный Макарий, глас услышал от черепа языческого: егда вы молитестя о страждущих в аде, тогда и язычникам бывает отрада! О, сила молитв христианских, имиже преисподняя озаряется, но верными и неверные утешение приемлют, егда мы ко всем мире поем: Аллилуйя

Помянув слово Исаака Сирина, глаголюща: сердце милующее и о людех и о животных и о всей твари ежечасно со слезами приносим молитву, дабы сохранились и очистились. Посему и мы дерзновенно просим у Господа помощи всем от века умершим, взывая: Отче наш, помяни всех заповедавших молиться за них. Отче наш, изгладь забытые ими грехи. Отче наш, согрей сердце наше жалостию и ко врагам истины. Отче наш, помилуй всех без молитвенного погребения схороненных. Отче наш, приими в Твоя селения внезапно умерших от горя и радости. Отче наш, низпосли преставльшемуся (имярек) мир и покой о Святом Духе. Отче наш, Любовь неизреченная, помяни усопших раб Твоих.

Мы виновны в бедствиях мира, в страданиях безсловесной твари, в мучениях невинных детей, ибо грехопадением людей разрушены блаженство и красота творения. Величайший из невинных страдальцев, Ты, Господи властей, и прости всем, прости и верни миру древнее благоденствие, да и мертвии и живые покой обрящут, взывая: Аллилуйя.

Орел небесный, осияющий крылами любве Твоя весь мир, Свете Тихий, Искупитель вселенныя, слышали мы Твой вопль со креста о вразех: «Отче, прости им» и во имя Твоего всепрощения сами дерзаем молитися Отцу о вечном покое Твоих и наших врагов. Отче наш, прости пролившим невинную кровь. Отче наш, прости строивших свое благополучие на слезах другого ближняго. Отче наш, не осуди гнавших нас клеветою и злобою. Отче наш, воздай милостию всем обиженным нами. Отче наш, утеши всех нами по неведению оскорбленных. Отче наш, да будет сия молитва о них таинством примирения! Отче наш, истреби рукописание грехов почившаго (имярек). Отче наш, Любовь неизреченная, помяни усопших раб Твоих.

Спаси, Господи, скончавшихся в тяжких мучениях, убиваемых, погребенных живыми, задушенных землею, поглощенных волнами и огнем, растерзанных зверями, умерших от глада, мраза и падения с высоты и за скорби кончины даруй им вечную радость, да благословят время страданий своих, яко дань искупления, воспевая: Аллилуия.

Всем, у кого Ты отъял еси жизнь в светлой юности; всем, коим дал на земле конец терновых страданий; всем, не видевшим счастия земного, Ты воздаждь лучами Твоея загробныя Божественныя любве. Отче наш, услади их сладостию даров Духа Святаго. Отче наш, вознагради умершия под тяжким бременем трудов. Отче наш, приими в чертоги рая усопших отроков и дев. Отче наш, сподоби их ликования на вечери Сына Твоего. Отче наш, умягчи скорбь родителей об утрате детей. Отче наш, упокой всех одиноких, о нихже некому молиться. Отче наш, да изсякнут грехи их в лучах Твоего всепрощения. Отче наш, дай рабу Твоему (имярек) одежду белую победную. Отче наш, любовь неизреченная, помяни усопших раб Твоих.

Яко последнее средство к вразумлению и покаянию рода человеческого Ты, Господи, даровал еси смерть, при грозном блистании ея обнажается суета, утихают плотские стремления, смиряется непокорный разум, открывается вечная правда, посему и закоренелые грешники в безбожии на смертном одре исповедуя бытие Твое, Вечный, ко Твоему милосердию взывают: Аллилуйя.

Отче всякаго утешения, Ты озаряеши солнцем, Ты услождаеши плодами, Ты веселиши красотами мира и друзей и врагов Твоих. Веруем, яко за гробом в вечности не истощается милосердие Твое милующее и отверженных всеми грешников. Отче наш, скорбим об ожесточенных беззаконниках и хулителях святыни. Отче наш, да будет над нами спасительная воля Твоя. Отче наш, сжалься над уязвленными гибельным неверием. Отче наш, не познавший Тя на земли, да возлюбит Тя на небеси. Отче наш, прости скончавшихся без покаяния. Отче наш, спаси погубивших себя в омрачении ума. Отче наш, да угаснет пламень нечестия их в море благости Твоея. Отче наш, победитель ада, избави от осуждения в нем преставльшагося (имярек). Отче наш, Любовь неизреченная, помяни усопших раб Твоих.

Страшен мрак души удаленной от Бога, терзание совести, скрежет зубов, неугасимый огонь и червь неумирающий!.. Трепещу!.. И мне таковыя участи и яко о себе самом молюся о страждущих во аде, да снидет к ним росою прохлаждения песнь наша: Аллилуия.

Где бы возсиял свет Твой, Христе Боже, аще не седящих во тьме и сени смертной. Там же и поминают Тя сущия во аде души: сниди снова в преисподняя земли, изведи во отраду разлученных с Тобою грехами, но не отрекшихся от Тебя. Во имя Сына и Духа помолимся Отцу: Отче наш, чада Твои страждут, помилуй их. Отче наш, согрешили они на небесах пред Тобою. Отче наш, тяжелы их грехи, но сильна милость Твоя. Отче наш, Ты Сына Своего послал еси грешников спасти. Отче наш, посети горькую нищету удаленных от Тебя душ. Отче наш, помяни гнавших истину по неведению. Отче наш, да будет любовь не огнем, но прохладою райскою. Отче наш, избави от пламени всякого отшедшаго к Тебе (имярек). Отче наш, Любовь неизреченная, помяни усопших раб Твоих.

Хотя умершим руку помощи подати, разрешил еси им, Господи, в сонных видениях к живым являтися и на молитву тех вдохновляти, поминая отшедших, творя в их память добрыя дела и подвиги веры, взывая с надеждою: Аллилуия.

Церковь Христова по всей вселенной всякий день возносит молитвы за почившия ежечасно по всей земле грехи мира омываются чистительною кровию Божественного Агнца. От смерти к жизни, и от земли к небеси восходят души усопших силою молитв о них пред олтарем Господним! Отче наш, да будет умершим ходатайство церкви лествицею к небеси. Отче наш, помилуй их за предстательство Пресвятой Девы и всех святых. Отче наш, очисти их ради верных вопиющих к тебе день и нощь. Отче наш, ради незлобивых младенцев прости их родителей. Отче наш, слезами матерей искупи грехи чад их. Отче наш, за молитвы страдальцев, за кровь мучеников пощади грешников. Отче наш, приими наши милостыни и молитвы яко во исполнение их добродетелей. Отче наш, да будет кровь Сына Твоего источником жизни для ныне поминаемого (имярек). Отче наш, Любовь неизреченная, помяни усопших раб Твоих.

Весь мир общая священная могила, на всяком месте прах наших братьев и отцев, сотворенных по образу Божию и подобно единокровных по Адаму. Единый неизменный нас возлюбивый, прости всех от начала и до ныне умерших, да воспевают они безсмертной Любве: Аллилуия.

Се грядет день, яко пещь горяще. День великий и страшный последняго суда! Обнажатся тайны человеческия и откроется книга совести: «Примиритеся с Богом!», вопиет Павел, прежде оного страшного дня. Помози нам, Господи, и слезами живых восполни недостающее умершим! Отче наш! Да будет им звук ангельской трубы благовестием спасения. Отче наш, в час суда сподоби их всерадостного помилования. Отче наш, увенчай славою страдавших Тебе ради ближних. Отче наш, покрый благостно согрешения немощных, Отче наш, дай истину Твою очищенным грозно бед земных. Отче наш, ведый всех по имени, помяни в монашеском и иноческом чине спасавшихся. Отче наш, приими пастырей благоговейных с духовными чадами их. Отче наш, да встретит раб Твой (имярек) жениха Христа со светильником горящим. Отче наш, Любовь неизреченная, помяни усопших раб Твоих.

Благословляйте скоротекущее время каждый час, каждое мгновение приближает нас к вечности! Новая скорбь, новая седина суть вестники из грядущего мира. Они свидетели тленности земного, они возвещают, яко все минует, яко приближается вечное царство, идеже ни слез, ни воздыханий, но отрадная весть: Аллилуия.

Яко древо осенью постепенно лишается листьев своих,так жизнь наша с каждым годом клонится к оскудению: праздник юности увядает, погасает светильник радования, близится отчужденная старость. Умирают друзья, отделяются близкие, где вы, прежде юные, радостные, счастливые? Безмолвны их гробы! Но душа их в деснице Твоей! Отче наш, чувствую взоры из мира загробного, побуждающие к молитве! Отче наш, Солнце светлое, озари и согрей селения усопших! Отче наш, да минует навсегда горькое время разлуки! Отче наш, сподоби нас радостного свидания на небесах! Отче наш, сотвори, да все едино будем с Тобою! Отче наш, возврати отшедшим детскую чистоту и юное благодушие! Отче наш, умягчи скорбь об усопшем (имярек) надеждою встречи в небесном Сионе. Отче наш, Любовь неизреченная, помяни усопших раб Твоих.

Накрапляем слезы, яко тихия капли на могилы наших родных, молимся с надеждою, взываем с упованием: скажи нам, Господи, яко Ты простил еси их. Дай торжественное откровение нашему духу, да воспеваем: Аллилуия.

Обращаю очи мои в даль на пройденный путь жития и в виду множества уже усопших от первого дня моего и до ныне, послуживших мне во благо, о них молюся, и долг воздавая любве, вопию: Отче наш, помилуй всех доброжелателей и благодетелей моих! Отче наш, вознагради бодрствовавших над моею детскою колыбелью! Отче наш, сподоби славы Твоея родителей и ближних моих! Отче наш, спаси благовествовавших мне слово Твое. Отче наш, прослави пред мя пред ангелы, научивших мя любити Тя! Отче наш, дай отраду наставлявшим мя святыми примерами жизни их! Отче наш, услади сокровенною манною послуживших мне в тяжкие дни! Отче наш, царству Твоему не будет конца, да внидет усопший (имярек) в радость Твою. Отче наш, Любовь неизреченная, помяни усопших раб Твоих.

Смерть, где твоя сила? Где твой прежний страх и страхи? Ты желанная отныне, ты сочетаеши неразлучно с Богом. Ты - великий покой! Таинственное субботство. Апостол взывает: «желание имеем умрети и со Христом быти». Темже взирая на смерть, яко путеводительницу к жизни, зовем: Аллилуия.

Воскреснут мертвии и восстанут иже во гробех, и возвеселятся живущии на земли, ибо проснутся телеса духовныя, прославленныя светло нетленныя. Кости сухие, слышите слово Господне: «облецытеся жилами, покрывайтеся кожею, вставайте из седых времен прошлаго! Вы искуплены кровию Сына Божия! Вы оживлены смертию Его! Над вами свет воскресения! Отче наш, ныне открый им и всю бездну совершенств Твоих! Отче наш, возвеселил еси их теплом и ароматом весны! Отче наш, Ты сиял еси им светом солнечным и тишиною луны. Отче наш, да узрят они и славу огненных ангельских ликов! Отче наш, услаждал еси их великолепием восхода и заката, да увидят и свет вечный Твоего Божества! Отче наш, да просветится душа (имярек), яко звезда утренняя, вестница зари! Отче наш, Любовь неизреченная, помяни усопших раб Твоих.

Плоть и кровь царствия Божия не наследуют, доколе во плоти живем, отлучены есмы от Христа. Аще не умрем но живем для вечности, подобает бо тленному сему облещися в нетление и мертвенному сему просияти безсмертием и тако во свете невечерняго дне воспевати: Аллилуия.

Ожидаем радостной встречи с Господом, ожидаем ясной зари воскресения, ждем пробуждения из гробов близких наших и оживления в благоговейнейшей красоте умерших жизней. Торжествуем грядущее преображение всея твари и возсоздателю нашему возопием: Отче наш, создавый мир торжеству радости и добра! Отче наш, возставивый нас из глубины грехов к святости! Отче наш, даждь умершим царствовати посреде обновленнаго бытия! Отче наш, да возсияют они, яко светила на небеси в день славы их! Отче наш, да будет им Агнец светом неугасаемым. Отче наш, соедини умерших и живых в нескончаемой радости! Отче наш, не разлучайся с рабом Твоим (имярек). Отче наш, Любовь неизреченная, помяни усопших раб Твоих.

Премилосердный Отче безначальный! Всем хотяй спастися, Сына к погибающим низпославый и Духа Животворящего изливый, помилуй, прости, спаси близких нам и всех от века усопших и предстательством их посети нас! Да вместе с ними вопием Спасителю нашему Богу победную песнь: Аллилуия, аллилуия, аллилуия.

Помяни, Господи Боже, в вере и надежде живота вечнаго преставльшегося раба Твоего, брата нашего (имярек) и яко благ и человеколюбец, отпущаяй грехи, и потребляяй неправды, ослаби, остави и прости вся вольная его согрешения и невольная: избави его вечныя муки и огня геенскаго, и даруй ему причастие и наслаждение вечных Твоих благих, уготованных любящим Тя. Аще бо и согреши, но не отступи от Тебе, и не сумненно во Отца и Сына и Св. Духа Бога Тя в Троице славимаго верова, и единицу в Троице, и Троицу во единстве, православно, даже до последняго своего издыхания исповеда, темже милостив тому буди, и веру, яже в Тя, вместо дел вмени, и со святыми твоими, яко щедр упокой, несть бо человека, иже поживет и не согрешит: но Ты един еси кроме всякаго греха, и правда Твоя, правда во веки. И ты еси един Бог милости и щедрот и человеколюбия, и Тебе славу возсылаем Отцу и Сыну и Святому Духу, ныне и присно и во веки веков. Аминь.

Господи Иисусе Христе Боже наш, приими жертву сию в пренебесный Твой жертвенник, в воню благоухания духовнаго и помяни души преставльшихся рабов Твоих, всякаго племени, христианского рода в Тя, Сына Божия истинного веровавших: во огни, в воде, в земли и на воздусе нуждною и горькою смертию разлучившихся от телес, от глада, жажды, наготы и мраза, молниею и громом пораженных, отравою уморенных, в темницах заточенных, на ратех, на путех, на стогнах и в домех убиенных, в горах заблуждших, от зверей снеденных, в плен отведенных и посеченных, от диавольских мучений и насильства скончавшихся, и всякою смертию умерших не исповедавшихся и не причастившихся Святых Таин, от жития сего похищенных по неизреченным и неведомым судьбам Твоим и ихже несть кому помянути, вся упокой, от воздушных мытарств задержания всесильною Ти десницею избави и в Царство небесное всели. Ты, всесильный Боже, умерщвляяй, низводяй во ад и возводяй ради Твоея безсмертныя благости, излиянныя Крове Твоея пречистыя, яви им свою милость, не яростию Твоею казни их, да не до конца погибнут. Приими их нуждную смерть во удовлетворение во гресех. Последнее их издохновение вчини вместо исповедания и в сердечном сокрушение, вмени их смертную горесть в мученичество, да со страдальцы Твоими Тобою упокоены, славят премилосердного Творцы во веки Аминь.